Ba al zenekiten… gaur egun Bilboko Itsasadarrean 60 espezie baino gehiago bizi direla?

Jarduera honetan Bilboko Itsasadarraren ekosistemaz eta ingurumenaren aldetik emandako hobekuntzaz hitzegingo dugu.
Museoan zehar bisita gidatu batekin hasiko gara, Bilboko Itsasadarrak ingurumenaren aldetik eman duen hobekuntza aztertuz eta gaur eguneko ekosistema ezagutuz.

Bukatzeko, uraren kalitatea neurtzeko, Museoaren kanpoaldean, Itsasadarreko uraren lagin bat hartuko dugu eta analisi fisiko-kimiko bat egingo diogu.

Izarrak marinelen aintzineko GPS-a zen. Izarretan oinarrituz eta tresna desberdinak erabiliz (kuadrantea, astrolabioa edo sextantea) orientatzen ziren.

Ipar hemisferioan Izar Polarrak edo Polaris-ek beti iparraldea adierazten zien. Hego hemisferioan, berriz, hegoaldea aurkitzeko, Crux edo Hegoaldeko Gurutzea aurkitu behar zuten.

Jarduera honetan, ikasleak, Museoan zehar bisita gidatu batekin hasiko dira. Geroago astrolabio bat sortuko dute, baita eguzki eta izar erloju bat ere. Bukatzeko, lan koaderno baten bitartez, nola erabiltzen diren ikasiko dute.

Itsasmuseumek eta Bilbobenturak elkarrekin diseinatutako jarduera da. Aukera ematen du Bilboko zenbait mugarri historikoz eta arkitektonikoz gozatzeko eta hiriak azken urteetan izan duen eraldaketa ezagutzeko, oso ikuspegi desberdinetik. Bisita gidatua Museoan hasiko da, eta, ondoren, piragua edo SUP (Stand Up Paddle) nahiz bizikleta hartuko da, Bilboko Itsadarretik edo ertzetatik ibilbideari ekiteko.

* SOILIK URRITIK APIRILERA EGIN DAITEKEEN JARDUERA

Jarduera honetan, ikasleek Bizkaiko XX. mendeko erriberako zurgindegi batean egurrezko ontziak modu tradizionalean nola egiten zituzten ikasiko dute.

Jarduera hau Museoaren erakusketa iraunkorrean, Erain erakusketan eta tailerrean zehar egindako bisita gidatu batekin hasten da.

Bukatzeko, ikasleek, lortutako ezagutza guztiak praktikan jarriz, txalupa baten erdi modeloa edo maketa eraikiko dute.