Belaontzi honetan José Luis Ugarte itsasgizonak 1993an osatu zuen Vendée Globe lehiaketa, munduari bira bakarrik, eskalarik gabe eta asistentziarik gabe ematean datzana. Abentura 1993ko azaroaren 22an hasi zen Les Sables d ‘Olonnesen (Frantzia) eta 1994ko apirilaren 6an amaitu zen, leku berean, 4 hilabete baino gehiagoko ibilbidea eta 27.000 itsas milia egin ondoren.

BBK Euskadi Europa lehiaketa-belaontzia da, monokaskoa, aluminiozkoa, 60 oineko luzeera du eta Open klasekoa. Ontzia Jean Marie Finotek diseinatu zuen eta pertsona bakar batek pilotatzeko prest dago.