Belaontzi handien Programa

Velero Atyla Navegando por la Ría de Bilbao Itsasmuseum
Atyla
Urtero irailetik ekainera
Igo Atyla ontzi-eskolara! Bisita ezazu goleta ikusgarria esperientzia didaktiko eta zirraragarri batean, bere eskifaiako kideen eskutik. Larunbatetan 10:30etik 13:30tara. Sarrera librea

Itsasmuseum, Atyla eskola ontziaren portu nagusia da, bien arteko lankidetza akordio honek bisitatzen gaituzten pertsonek eta Eskola Programan parte hartzen duten umeek ontzi gainean bisita gogoangarri batetaz gozatzea ahalbidetzen du irailetik ekainera. Udan zehar, 1980 eta 1984 artean Lekeition eraikitako ontzi klasiko ikaragarri honek, abentura eta formakuntza bidaiak egiten ditu eta nazioarteko itsas jaialdietan parte hartzen du.
Andalucía Galeoia
2022ko ekaina

Ekainaren 20tik 27ra Andalucía galeoia izan zen Itsasmuseumeko kaian, 55 metroko luzera eta sei kubierta dituen XVII. mendeko galeoi baten erreplika fidela.  

Bisitariek iroko eta pinuzko zurezko 6 kubiertetatik paseatu ahal izan zuten, ia mila metro karratuko azalera egiten duten belak ikusi, soka kilometroak miretsi, aginte-estalkira igo, txopako eta brankako gazteluetara igo, eta artilleriako estalkira jaitsi, besteak beste. Bertan, nabigazioa nolakoa zen erakusten da, bizi-baldintza gogorrak eta itsasontziaren beraren historia ere ezagutu daiteke. 

Andalucía ontzia XVII. mendeko galeoi baten errepresentazio historikoa da. Itsasontzia 2009-2010ean eraiki zuen Nao Victoria Fundazioak, Ignacio Fernández Vialen diseinu eta zuzendaritzapean, Punta Umbriako ontzioletan (Huelva). 

Ortze
2021eko urria

Urriko lehen astean bisitatu gintuen “Ortze” Euskadin osorik eraiki den lehen ontzi elektriko-hibridoak. Ingeteam-en I+G+Bko proiektu baten emaitza den ontzi aitzindari honek Eusko Jaurlaritzaren ORTZE eskola-ontzia zen lehen, egun hamabi milia zero isurirekin nabigatzeko gai den lehen arrantza-ontzi elektrikoa, eta, gainera, distantzia handiagoak modu hibridoan nabigatzeko aukera ematen dion instalazio elektriko bat du.

Urriaren 7, 8 eta 9ko egonaldian, bisitaldi gidatuak eskaini ziren publikoari, baita proiektuaren inguruko jardunaldi informatiboa ere museoan.

Reto Pelayo Vida belaontzia
2020ko urria

Urriaren 8tik 12ra, Itsasmuseum-eko kaian Volvo Ocean Race-an parte hartu zuen V70 ontzia izan genuen, ontzian bularreko minbizia gainditu duten 5 emakume etorri ziren, Pelayo Vida  erronka betetzeko helbuarekin. Erronka honen helburua  Kantauriar, Atlantiar eta Mediterranear itsasoak nabigatzea zen, Iberiar penintsulari bira emanez,  bularreko minbiziak  emakumeengan duen intzidentzia eta gaixotasunaren berreskurapenean kirola egitea dituen onurak  ikusgai egiteko.

Mater museo
2021ko uztaila

Atunontzi klasiko bat izatetik ur gaineko museoan bihurtutako, Mater Ontzi Museo Ekoaktiboa, Itsasmuseum-en porturatu zen uztailaren 14tik 18ra, “Zero Zabor Uretan” kanpaina dela eta euskal kostaldetik egindako  ibilbidearen barruan. Kanpainaren helburua: gure itsaso eta ozeanoetan dagoen zabor guztia sortzen duen egoera jasanezinaren sentsibilizazioa egitea. Itsasmuseum-en egon zen egunetan, Mater ontziak bisita gidatuak eta familientzako ekintzak eskaini zituen.